Maísburðarpokinn - algengar spurningar og svör

Í hvaða einingum eru maísburðarpokarnir seldir?
1.000 stykki í kassa.

Hvað þolir maíspokinn mikla þyngd og hversu þykkur er hann?
Maísburðarpokinn er 26 míkron að þykkt og samkvæmt álagsprófi þolir hann 26kg tog en venjulegur plastpoki þolir 24 kg. Hér að neðan er myndband frá prófunum Ceplast.



Hvernig er best að geyma maísburðarpokann?
Til að ná fram lengri geymslutíma fyrir notkun er best að geyma pokann fjarri ljósi og hita. Pokinn er í fullu gæðum fyrstu 6 mánuðina.

Hvað þarf mikið landssvæði í framleiðslu á maíspokanum?
Samkvæmt skýrslu frá framleiðanda þá þarf um 0,03 hektara lands af maís og 0,14 hektara lands af jurtaolíu til að framleiða 1 tonn af maíspokum sem gera ca 100.000 innkaupapoka. Til að setja þetta í samhengi þá getur þurft um 4 hektara lands til að framleiða 1 tonn af nautakjöti. Það er því ekki mikið landsvæði sem þarf til framleiðslunnar. Maís er ekki eina jurtin sem notuð er í framleiðsluna því einnig er hægt að nota mjölmiklar kartöflur, þistil ofl. Þessi atriði skipta máli í sambandi við það hvort framleiðslan er í samkeppni við framleiðslu á mat handa hungruðum heimi en svo er ekki í þessu tilfelli. Á það má svo benda að skortur á landssvæðum til ræktunar er minna vandamál en sú staðreynd að 30% af framleiddum matvælum er hent árlega.

Innihalda maíspokarnir erfðabreytt efni?
Pokarnir sem Íslenska Gámafélagið kaupir frá Ceplast innihalda ekki erfðabreyttan maís. Fyrirtækið sem framleiðir hrávöruna, MATER-BI sem notað er í maísburðarpokana notast ekki við erfðabreyttan maís. Kornið sem notað er til framleiðslunnar er ræktað í Evrópu í samræmi við þá staðla sem þar gilda og er ekki erfðabreytt. Þá er notuð matarolía við framleiðsluna sem einnig er unnin úr óerfðabreyttu hráefni. Hér er hlekkur á heimasíðu Novamont sem framleiðir og hefur einkaleyfi á þessu hráefni og lýsir enn frekar maíspokanum og hráefninu MATER-BI og þeim umhverfiskröfum sem þeir gera til vörunnar. Jafnframt er annar hlekkur á þær vottanir sem fyrirtækið uppfyllir.

Hverjar eru vottanir framleiðanda maíspokana?
Hér er hlekkur yfir þær vottanir sem fyrirtækið Ceplast uppfyllir.

Verðlaun sem framleiðandi (Ceplast) hefur hlotið
Hér eru upplýsingar um öll þau verðlaun sem fyrirtækið, Ceplast hefur fengið.